16 июл 09:54
Янгиликлар

Бокс/ММА

Шоҳжаҳон Эргашев чемпионлик камарини Москвада ҳимоя қилади, жанг санаси маълум+ФОТО!

Профессионал боксчимиз Шоҳжаҳон Эргашев ўзининг навбатдаги жангини Россия Федерацияси пойтахти Москва шаҳрида ўтказади.

Боксчимизнинг бизга хабар беришича, жанг 19 август куни Москва шаҳрида бўлиб ўтади. Айни пайтда ҳамюртимиз мураббийи билан биргаликда бўлажак жангга тайёргарлик кўрмоқда.

- 19 август кунига белгиланган жангда чемпионлик камаримни ҳимоя қиламан. Ҳозирда промоутерларимиз бир неча нафар боксчилар билан музокара олиб боришяпти. Бир нарса аниқки, рақиб америкалик боксчи бўлади, - деди Эргашев.

Эслатиб ўтамиз, WBA International камари соҳиби Шоҳжаҳон ўзининг ҳозирча сўнггиси бўлиб турган жангида хитойлик Ванг Жиминни 100:90, 99:91, 100:90 ҳисобида мағлубиятга учратган эди. Эргашев проф рингда 13та жанг ўтказиб, уларнинг барчасида ғалаба қозонган. Нокаутлари сони 12та!