14 дек 07:41
Янгиликлар

Бокс/ММА

Шоҳжаҳон Эргашев икки ўзбек боксчиси ўртасидаги реванш жангини ташкил қилиб бермоқчи + ФОТО

Суперенгил вазн тоифасида IBF камари учун собиқ даъвогар Шоҳжаҳон Эргашев Instagram саҳифасига янги пост жойлади.

Эргашев ўз саҳифасида икки ўзбек боксчиси Аббосхон Йўлдошев ҳамда Бекзод Исадуллаев билан бирга экани акс этган суратни жойлаб, уни қуйидагича изоҳлади:

"Сизлар реванш жангини кўришни хоҳлармидингиз? Shohjahon Promotions промоутерлик компанияси шу жангни ташкил қилиш ҳаракатида. Нима деб ўйлайсиз, реванш жангида ким ғалаба қозонади?".

Бекзод Исадуллаев эса бунга жавобан, жангни интизорлик билан кутаётганини ёзган.

Маълумот ўрнида, Аббосхон Йўлдошев ҳамда Бекзод Исадуллаев ўртасидаги илк жанг дуранг билан якунланган.

Эслатиб ўтамиз, Шоҳжаҳон Эргашев 26 ноябрь куни IBF йўналиши чемпиони Сабриель Матиасга қарши жанг қилиб, жароҳат сабаб муддатидан олдин мағлуб бўлган эди. Бу Эргашевнинг 24 та жангдан иборат фаолиятидаги илк мағлубият эди.