Шоҳжаҳон Эргашев нокаутлар сериясини давом эттирди

Ҳамюртимиз Россия Федерацияси пойтахти Москва шаҳрида ўтказилган профессионал бокс кечасида беларуслик Илья Реутскийга қарши рингга кўтарилди.

Ўн раундга мўлжалланган жанг муддатидан аввал ниҳоясига етди. Шоҳжаҳон иккинчи раундда рақибини техник нокаутга учратди. Эргашев аслида бугун угандалик Соломон Богерага қарши рингга чиқиши керак эди.

Лекин ташкилотчилар кутилмаганда жангни бир кун аввалга суришди. Қолаверса, рақиб ҳам ўзгарди. Ҳамюртимизнинг эндиги мақсади АҚШ рингларида жанг ўтказиш. Бу борада у россиялик мураббийи ва промоутерлари билан иш олиб боряпти.