Шоҳжаҳон Эргашевга тегишли бўлган промоушен ўз фаолиятини якунлади

Бу ҳақида боксчининг ўзи маълум қилди.

"Ҳурматли бокс мухлислари, айрим ҳолатлар сабабли "Shohjahon Promotion" ўз иш фаолиятини тўхтатишини афсус билан маълум қиламиз. Вақт ўтиши билан биз сиз учун бутун вазиятни ойдинлаштиришга ҳаракат қиламиз. Қўллаб-қувватлаган барчага, шунингдек, ушбу компания ходимларига бизнинг фаолиятимизга қўшган ҳиссаси учун миннатдорчилик билдирамиз. Олдинда режалаштирилган янги ғоялар кўп, аммо ҳозирча боксдан танаффус қиляпмиз. Биз тез орада ва янги куч билан қайтамиз",-деб фикр қолдирган Шоҳжаҳон.

П.С. "Ҳеч кимга ишонманг ва ҳеч ким сизга хиёнат қилмайди" - Сайфулла Тимурович