08 янв 11:23
Янгиликлар

Бокс/ММА

Шоҳжаҳоннинг АҚШдаги жангига 4 кун вақт қолди

Енгилмас ва нокаутчи боксчимиз Шоҳжаҳон Эргашев (11-0, 11 KOs) ўзининг навбатдаги жангини 12 январь куни ўтказиши ҳақида хабар берган эдик.

Ҳамюртимиз 12 январь куни ўзининг проф рингдаги 12-жангини АҚШнинг Нью-Йорк шаҳридаги Turning Stone Resort Casino аренасида ўтказади. Шоҳжаҳоннинг рақиби америкалик енгилмас боксчи Сони Фредриксон (18-0, 12 KOs) бўлади.

“Фредриксон кучли боксчи. Мен каби барча жангларини ғалаба билан якунлаган. Агар жангда ғалаба қозонсам, рейтингда кучли ўнталикка кириб оламан. Бу эса кейинги жангларимда чемпионлик камари учун рингга чиқишим мумкинлигини англатади”, - деди Эргашев.

Маълумот учун, америкалик боксчи фаолияти давомида 18 маротаба жанг ўтказган бўлиб, уларнинг барчасида ғалабага эришган. Ўн иккита жангда рақибларини нокаутга учратган. Шоҳжаҳон эса 11та жангининг барчасини муддатидан аввал нокаут билан якунлаган.