Шокин: "Ўтган сафар бир очко етмай қолганди, бу сафар олтин учун қўлдан келган барча ишни қиламан"

Дмитрий Шокин (таэквондо):
"Жакартадаги Осиё ўйинлари мен учун иккинчиси бўлади. Инчеондаги мусобақада терма жамоамиз ҳисобига олтин медаль қўшиб қўйиш учун бир очко етмай қолганди. Якунда, кумуш медаль билан кифоялангандим. Мусобақага жиддий тайёргарлик кўрдик. Бу сафар ғолиб бўлиш учун қўлимдан келган барча ишни қиламан. Бу оилам, терма жамоамиз ва ватанимиз учун жуда муҳим. Фурсатдан фойдаланиб, спортчиларимизга биринчи навбатда соғлик, куч ва машғулотларда сабр тилайман. Осиё ўйинларида ғалабаларимиз кўп бўлсин. Олға, Ўзбекистон!", - деди Шокин.