14 янв 16:13
Янгиликлар

Футбол

Шомуродов Ла Лигага йўл олиши мумкин. Унга Роналдо эгалигидаги клуб қизиқмоқда

Бу ҳақда “El Chiringuito” хабар бермоқда.

Манбага кўра, “Реал Вальядолид” ҳужум чизиғини кучайтирадиган футболчиларни изламоқда. Роналдога тегишли бўлган клуб “Рома” асосий таркибидан ўрин ололмаётган Элдор Шомуродов вариантини ўрганмоқда.

“Вальядолид”га Шомуродов вариант маъқул келмоқда ва улар ўзбекистонлик форвардни сотиб олиш ҳуқуқисиз ижарага олмоқчи. Шунингдек, Ла Лига клуби Элдорнинг трансфери учун “Рома” хоҳлаётган 10 млн еврони тушириш бўйича музокара ўтказмоқчи.

Аввалроқ, “Торино” 27 ёшли футболчининг ижараси учун 1 млн евро тўламоқчилиги айтилганди. Унинг трансфер нархи эса 7 млн еврога баҳоланмоқда.

“Реал Вальядолид” жорий мавсум Испания чемпионатида 16 ўйин ўтказиб, 17 очко билан жадвалда 16-ўринда бормоқда.