05 июл 15:20
Янгиликлар

Футбол

Шомуродовнинг жамоаси туркиялик футболчининг трансферини эълон қилди

"Рома" ўз таркибини "Лилль" ҳимоячиси Зеки Челик билан тўлдириб олди.

Бу ҳақда итальян клуби расмий сайти хабар бермоқда. 25 ёшли Челик билан 2026 йилнинг 30 июнига қадар шартнома имзоланди.

"Мен учун бундай улкан клубда ўйнаш катта ғурурдир. Мақсадларим катта ва ушбу жамоада муваффақият қозонишни хоҳлайман", — дейди 19-рақамни олган янги ўйинчи.

Туркиялик Челик 2018 йилдан бери "Лилль"да ўйнаётганди, у жамоа таркибида 150га яқин ўйин ўтказди ва 2021 йилда жамоа билан Лига 1'да ғолиб чиқди. У Туркия терма жамоаси таркибида 32та ўйин ўтказган.