Шон О`Мэлли ҳам Оқ уйда жанг қилмоқчи

Америкалик 30 ёшли аралаш яккакураш устаси декабрь ойида октагонга қайтиши мумкин. Шон ватандоши Кори Сэндхагенга қарши Оқ уйда октагонга чиқишга тайёр. Бунинг учун Сэндхаген 4 октябрь куни Мераб Двалишвилидан енгил вазн тоифасидаги UFC чемпионлик камарини тортиб олиши лозим.

"Ҳа, бу жангни Оқ уйда кўриш қизиқарли бўларди. Агар Кори ғалаба қозонса, мен эса кимни рақиб сифатида беришса, ўшани ютсам, бу реалликка айланиши мумкин. Аммо нима бўлган тақдирда ҳам, мен яқин тўрт-беш ой ичида жанг ўтказмоқчиман. Шу боис, Оқ уйда чиқиш қилишга тайёр бўламан", - деди О`Мэлли ўз подкастида.  

Эслатиб ўтамиз, ўтган йили Шон О`Мэлли Лас-Вегасдаги янги инновацион арена "Сфера"да жанг ўтказганди. Айнан шу омил ҳам унинг Оқ уйда жанг қилишни хоҳлашининг яна бир сабабидир.

"UFC раҳбари Оқ уйдаги турнир июнь ойида ўтказилиши мумкинлигини айтди. Агар мен йил охири ёки келаси йилнинг бошида жанг ўтказа олсам, демак Вашингтондаги карддан жой олиш имкониятим ошади. "Сфера" ва Оқ уйда жанг ўтказиш - бу ҳаётда бир марта содир бўладиган тарихий лаҳзалардир", - деди О`Мэлли.