Шон О'Мэлли Мераб Двалишвили билан жанг анонсига муносабат билдирди

"Ўтган жангдаги ҳаракатимдан мамнунман, чунки ўзимни яхши ҳис қилмаган ҳолатда шундай жанг қилгандим. Бу мукаммал ҳолатим эмасди. Мен ютмадим, лекин ўша пайтда ютмаслигим керак эди, деб ўйлайман. Бу реванш бўлиши керак эди. Шу боис, реваншдаги ғалабам янада қийматлироқ бўлади. Агар Мерабни илк жангда ютганимда, уни фақат кучли жангчи сифатидагина қабул қилишарди. Лекин у мени ютди ва кейин Умар Нурмагомедовни ҳам мағлуб этди. 

Мен Мерабдан чексиз миннатдорман — у мени нафақат яхши жангчи, балки яхши инсон ҳам қилиб қўйди. Мағлубият ғалати нарса. Қийинчилик бўлган жойда ўсиш имконияти ҳам бўлади", — деб Шон О’Мэллининг сўзларини MMA Junkie келтирди.