Шон О`Мэлли Оқ уйдаги жанги учун қанча гонорар олганини очиқлади

Шон О`Мэлли ушбу тарихий ғалабаси учун 600 000 доллар миқдорида кафолатланган гонорар олди. У "Оқшомнинг энг яхши жанги" учун берилган 425 000 долларлик бонусни қўлга кирита олмаганидан жуда афсусда.

"Тахминан 600 минг доллар. Чемпионлик учун жангларда қатнашганимда гонорар бошқача эди. Бу ҳақиқатан ҳам ёқимсиз. Алжамейн Стерлинг билан жангда мен чемпион эмас, балки даъвогар эдим, аммо барибир яхшигина пул ишлаб олгандим. "Чито" Вера билан жанг учун янада кўпроқ ҳақ олдим. Кейин Мераб билан бўлган биринчи жанг учун янада кўпроқ. Двалишвили билан иккинчи жанг учун эса камроқ гонорар беришди. Сонг Ядонг билан жанг учун - янада камроқ. Буниси ҳам тахминан шунча.

Мен бонус ололмадим, лекин оқшомнинг асосий ва co-main event жангларидаги воқеаларни ҳисобга олсак, бу нормал ҳолат. Аммо шундай пайт - Трамп олдида, Оқ уй олдида канадаликни нокаутга учратиш - бу рақиб йиқилмасдан олдин унга салом бериш. Бу бонусга олиб келмагани ақлсизлик", - деди америкалик The Nelk Boys нашрига берган интервьюсида.

Аввалроқ Шон O`Мэлли навбатдаги жангини енгил вазн тоифасидаги амалдаги чемпион Петр Янга қарши ўтказишни режалаштираётганини маълум қилган ва ўз ўрнида россиялик ҳам бу таклифга рози бўлганди.