03 ноя 17:50
Янгиликлар

Бокс/ММА

Шон О'Мэлли Вера билан реванш жангини ўтказмоқчи

Шон О'Мэлли Марлон Вера билан реванш жангини ўтказиш ниятида.

Энг енгил вазннинг биринчи рақамли жангчиси, америкалик Шон О'Мэлли эквадорлик Марлон Вера билан реванш жангини ўтказиш имкониятларини кўриб чиқмоқда. 2020 йилда бўлиб ўтган дастлабки жангда Шон Марлонга мағлуб бўлган эди.

"Мен Верага қарши — бу дивизионимиздаги энг катта жанг! Рақамлар нуқтаи назаридан, менинг Алжемейн Стерлинг билан жангимдан кўра, Марлон Вера билан жангим каттароқ масштабга эга. Ўйлашимча, бу йирик жанг 2023 ёки 2024 йилда ташкиллаштирилади", - деди О'Мэлли.

Шон О'Мэлли 22 октябрь куни россиялик Петр Ян билан бўлган жангда ғалаба қозониб, энг енгил вазн рейтингида биринчи ўринга кўтарилиб олган эди. Марлон Вера эса сўнгги жангини 13 август куни Доминик Крузга қарши ўтказиб, ғалаба қозонганди.