Шон О’Мэллининг навбатдаги жанги ҳақида маълумот берилди

Хабарда айтилишича, америкалик аралаш яккакураш устаси 6 декабрь куни АҚШнинг Лас-Вегас шаҳрида ташкил этиладиган рақамлаган UFC 323 турнирида октагонга чиқади. Катта эҳтимол билан унинг рақиби хитойлик Сонг Ядонг бўлади. 

Шон О’Мэлли икки мағлубиятли серия билан келмоқда. У ҳар иккала жангида грузиялик Мераб Двалишвилига имкониятни бой бериб қўйган. Мераб дастлаб очколар ҳисобига кўра ғалаба қозониб, рақибининг чемпионлик камарини тортиб олганди. Кейин эса реванш жангининг учинчи раундида Шонни бўғиб қўйди. 

Сонг Ядонг эса сўнгги жангида Генри Сехудодан устун келди. Жангнинг учинчи раундида Сонг Генрининг кўзига қўлини суқиб олгани учун баҳс тўхтатилган ва жабрдийдага техник мағлубият ёзилган эди. Чин юрти вакили ундан аввалги жангида россиялик Петр Янга ютқазиб қўйганди.

Таққослаш учун, айни пайтда Шон О’Мэлли UFC ўта енгил вазн дивизиони рейтингида биринчи, Сонг Ядонг эса бешинчи ўринни эгаллаб турибди.