Шохасан Мирзаматов Маҳмуд Мурадовнинг лигаси билан шартнома имзолади

Бу ҳақда лиганинг Инстаграм саҳифаси орқали хабар қилинмоқда.

“Биз келажаги порлоқ, умидли жангчи билан шартнома имзоладик. Шохасан Мирзаматов лигамиз жангчисига айланди ва тез орада - 22 октябрь куни "Ўзбекистон" спорт мажмуасида МPL (Muradov Professional League) турнири доирасида бизнинг жамоамиздаги илк жангини ўтказади. Биз жангчиларга ўзларини кўрсатиб аввал чиқиши қийин бўлган даражага кўтарилиш имкониятини берамиз”, - дейилади хабарда.

Шохасан Мирзаматов сўнгги жангини 18 сентябрь куни Олма-Отада украиналик Максим Сороковга қарши ўтказиб, нокаут эвазига ғалаба қозонган эди.

Маълумот учун, 22 октябрь кунида бўладиган турнир МPLнинг илк мусобақасидир.