19 апр 17:51
Янгиликлар

Теннис

Штутгарт. Мария Саккари Плишковага ютқазиб қўйди

Теглар : Каролина Плишкова Мария Саккари

Германиянинг Штутгарт шаҳрида теннис бўйича нуфузли WTA турнири давом этмоқда.

Бироз кутилмаганда дунёнинг 9-ракеткаси, грециялик Мария Саккари WTA рейтингида 17-поғонадан жой олган чехиялик Каролина Плишковага 2/6, 3/6 ҳисобида имкониятни бой бериб қўйди. Плишкова теннисчиларнинг ўзаро учрашувларида ҳисобда олдинга чиқиб олди - 4:3.

Етмиш икки дақиқа давом этган баҳсда Саккари 6, Плишкова 7 та эйс зарбани ижро этган. Мария биронта ҳам брейкни амалга ошира олмаган. Каролинада бу статистика 4 тани ташкил этди. Энди у хорватиялик Донна Векичга қарши кортга чиқади.