15 июн 19:43
Янгиликлар

Дзюдо

Шукуржон Аминова жаҳон чемпионатининг бронза медали учун татамига чиқади + ФОТОГАЛЕРЕЯ

Венгрия пойтахти Будапешт шаҳри мезбонлигида давом этаётган дзюдо бўйича жаҳон чемпионатининг учинчи кунги баҳслари ниҳоят терма жамоамиз учун омадли келмоқда.

Аёллар ўртасидаги баҳсларда -57 кг вазндаги дзюдочимиз Шукуржон Аминова бронза медали йўлидаги ўтиш беллашувида финляндиялик Пиха Салоненни қўшимча дақиқалардаги юко баҳоси эвазига мағлубиятга учратди.

Энди ҳамюртимиз бизнинг вақт билан соат 21:00'да бошланадиган финал блокида жаҳон чемпионатининг бронза медали учун франциялик Сара Леони Сизикка қарши татамига чиқади. Бугун курашган иккинчи дзюдочимиз Шаҳрам Аҳадов эса 1/8 финалда сербиялик рақибига ютқазиб қўйди.

Бу медаль биз учун жуда ҳам муҳим. Ғалаба ва омад ёр бўлсин, Шукуржон!