05 май 09:36
Янгиликлар

Бокс/ММА, Дзюдо

Андижонлик ёшлар Диёра Келдиёрова ва Ҳасанбой Дўсматовдан маҳорат сабоқлари олишди + ФОТОГАЛЕРЕЯ

Расмийлар ташриф давомида “Универсал” спорт мажмуаси, Ўткирбек Ҳайдаров бокс мактаби ҳамда шаҳардаги теннис мактабида бўлишди.

Жумладан, “Универсал” спорт мажмуасида Андижон давлат университети талабалари учун жисмоний тайёргарлик даражасини баҳолаш бўйича спорт синовларига старт бериш жараёнида қатнашиб, талаба ёшлар билан суҳбатлашишди.

Тадбир доирасида Олимпиада чемпионлари Диёра Келдиёрова ва Ҳасанбой Дўсматов иштирокида маҳорат сабоқлари ташкил қилинди.

Шунингдек, ташриф давомида шаҳардаги спорт муассасаларининг инфратузилмаси, тўгараклар жадвали, мавжуд шароитлар билан танишиб, иш самарадорлигини ошириш бўйича зарур кўрсатма ва таклифлар берилди.