Симона Халеп 2026 йилгача дисквалификация қилинди

2022 йил охирида Симона топширган тест ижобий натижа берган. Унинг организмида роксадустат моддаси аниқланди. Бундан ташқари, унинг биологик паспортида қоидабузарликлар борлиги ҳам маълум бўлди. 11 сентябрь куни мустақил трибунал йиғилиши бўлиб ўтди ва ташкилот спортчини қасддан қоидаларни бузганликда айбдор деб топди.

Трибунал теннисчининг тақиқланган модданинг озиқ-овқат қўшимчасида эканлиги, аммо таркибида кўрсатилмаганлиги ҳақидаги далилларини инобатга олди. Бироқ, модданинг бундай миқдори танадаги бу контсентрацияга олиб келиши мумкин эмаслиги инобатга олиниб, Халепга нисбатан дисквалификация жазоси қўлланилди. 

Халепнинг дисквалификация муддати 2026 йилнинг 6 октябрида тугайди.