Слаломда эшкак эшиш бўйича Россия терма жамоаси етакчиларидан бири Ўзбекистонга ўтди, у Лос-Анжелес-2028 медалини қўлга киритиш илинжида

35 яшар Эйгель 2018 йилги Жаҳон чемпионатининг бронза медали совриндори ҳисобланади. Рио-де-Жанейро шаҳрида ўтган дунё биринчилигида у слаломда эшкак эшиш йўналишида Россия тарихидаги илк медални қўлга киритган эди. Москвада туғилган Павел яккаликда уч карра Россия чемпиони, битта кумуш ва иккита бронза медали соҳиби.

Спортчи Ўзбекистон терма жамоаси учун аллақачон мусобақаларда иштирок этишни бошлаб юборган. У ҳозирда Испания терма жамоасининг собиқ бош мураббийи Самуэль Эрнанс қўл остига ўтган Ўзбекистон терма жамоаси билан айнан Испанияда Жаҳон кубогига тайёргарлик кўрмоқда.

(Суратда Павел Эйгель ўнг томондан иккинчи)

Испаниядаги машғулотларда иштирок этаётган спортчиларимизнинг тўлиқ рўйхати:

С-1:

Анвар Клевлеев

Абубакир Буканов

Шерзод Қурбоналиев.

K-1, KMX:

Жонибек Темиргалиев

Павел Эйгель 

Ҳаётбек Абдуллаев

Дониёр Исломов

Самандар Сайдуллаев.