29 сен 09:37
Янгиликлар

Бокс/ММА

Смит нокаут эвазига Муҳаммад Али кубогини қўлга киритди

Британиялик боксчи Каллум Смит Бутунжаҳон бокса суперсериясининг финал жангида ғалаба қозонди.

Смит финал жангида ҳамюрти иккинчи ўрта вазн тоифасида WBA йўналиши чемпиони Жорж Гроувсга қарши рингга кўтарилди. Жангнинг еттинчи раундида Каллум рақибини нокаутга учратиб, ғолиб учун аталган Муҳаммад Али Кубогини қўлга киритди.

Ушбу ғалаба Каллум Смитга Муҳаммад Али Кубогидан ташқари WBA, WBC Diamond ҳамда нуфузли The Ring журнали таъсис этган махсус чемпионлик камарларини ҳам келтирди.