05 дек 08:46
Янгиликлар

Бокс/ММА

Собиқ UFC чемпиони Рафаэль дос Аньос тарихий рекорд қайд этди

Енгил вазн (70 кг.гача) тоифасида собиқ UFC чемпиони Рафаэль дос Аньос лиганинг тарихий рекорди соҳибига айланди.

Тажрибали аралаш яккакураш устаси кеча Орландо шаҳрида ўтган UFC on ESPN 42 турнирида октагонга кўтарилган ва жангнинг иккинчи раундида америкалик Брайан Барберенани мағлубиятга учратган эди.

Бу билан бразилиялик 38 ёшли Аньос октагонда 8 соатдан кўпроқ жанг қилган промоушеннинг илк спортчисига айланди. Бундан аввалги рекорд яна бир енгил вазн собиқ чемпиони Фрэнки Эдгарга тегишли эди. Америкалик жангчи фаолияти давомида "қафас"да 7 соату 57 дақиқа 10 сония ҳаракат қилганди.