06 ноя 10:07
Янгиликлар

Бокс/ММА

Собиқ UFC чемпиони: Хабиб айбдор эмас, у жазоланмаслиги керак

Аралаш қоидалар бўйича ярим енгил вазн тоифасида собиқ UFC чемпиони Жозе Алдо россиялик жаҳон чемпиони Хабиб Нурмагомедовни айбсиз деб ҳисобламоқда.

Ўз вақтида Конор Макгрегорга қарши октагонга чиққан Алдо Нурмагомедов жазоланмаслиги керак, деган фикрда.

“Мен Хабибнинг ўша пайтдаги ҳолатини тушунаман. Бу унинг айби эмас. Уни ўша пайтдаги хатти-ҳаракати учун жазоламаслик керак. Чунки UFCнинг ўзи вазият шундай даражага етиб бориши учун замин яратиб берди. Макгрегор Хабиб устидан истаганича кулди, уни ва оила аъзолари ҳақорат қилди. Лекин UFC буни эътиборсиз қолдирди. Шундай экан, Нурмагомедов айбдор эмас ва унинг жазоланиши адолатсизлик бўларди”, - деди Алдо ESPN каналига берган интервьюсида.