28 сен 17:31
Янгиликлар

Бокс/ММА

Спенс ва Портер учун кафолатланган 7 хонали гонорар суммаси маълум

Хабар берганимиздек, бизнинг вақт билан эртага тонг саҳарда АҚШнинг Калифорния штати Лос-Анжелес шаҳрида профессионал бокс оқшоми бўлиб ўтади.

Staples Centre аренада ўтказилувчи ушбу бокс оқшомининг марказий жангида ярим ўрта вазн чемпионлари – Эррол Спенс (25-0, 21 КО) ҳамда Шон Портер (30-2-1, 17 КО) ўзаро тўқнаш келади. Спенс IBF, Портер эса WBC чемпиони бўлиб турибди.

Бирлаштирувчи чемпионлик жанги пуллик PPV тизимида трансляция қилинади. Калифорния атлетик комиссияси боксчилар учун кафолатланган гонорарларни эълон қилди. Спенс ва Портер жанг натижасидан қатъий назар икки миллион долларга ўз ҳамёнларини бойитиб олишади.

Жангнинг пуллик (pay-per-view) тизимда трансляция қилинишини инобатга олсак, ушбу сумма белгиланган икки миллион доллардан кўпроқ бўлиши аниқ.