15 ноя 09:26
Янгиликлар
Бокс/ММА
Спорт комиссияси Хабиб ва Конорга мурожаат қилди
Невада штати Спорт комиссияси енгил вазнда UFC чемпиони Хабиб Нурмагомедов ҳамда икки вазн тоифасида собиқ жаҳон чемпиони Конор Макгрегорга таклиф билан чиқди.
Спорт комиссияси ҳар икки спортчини штат прокурори гувоҳлигида ярашиб олишга чақирди. Бу таклифни Невада штати Спорт комиссияси раиси кеча бўлиб ўтган йиғилишда илгари сурган.
Бош прокурорнинг айтишича, агар Конор ва Хабиб ўзаро келишиб олмаса, у ҳолда уларнинг ҳар иккиси 10 декабрь куни бўлиб ўтадиган йиғилишда ҳозир бўлишлари шарт. Ҳеч қандай телефон мулоқотига йўл қўйилмайди. Йиғилишда Макгрегор ва Нурмагомедов ўртасидаги жанг кейинги воқеалар муҳокама қилинади ва ўша куннинг ўзида ҳукм ўқилади.
Эслатиб ўтамиз, UFC 229 турниридаги ҳолат бўйича Макгрегорнинг мураббийи Диллон Данис, Нурмагомедов жамоаси вакиллари Абубакар Нурмагомедов ва Зубайра Тухугов номаълум муддатга UFCдан четлатилган.
Ҳавола :
Фикрлар