Спорт муассасаларида коронавируснинг олдини олиш бўйича семинар ташкил этилади

Афсуски, ушбу хавфли касаллик ҳамон орамизда, ён атрофимизда бизга тахдид қилишни давом эттирмоқда.

Юртимизда карантин чекловлари аста-секин юмшатилиши касаллик батамом йўқ бўлди, деб бепарволикка берилишимизга сабаб бўлмаслиги лозим. Айниқса, иш ва меҳнат жараёнида гигиеник талабларга тўлиқ риоя қилган ҳолда фаолият юритиш шарт.

Бугун соат 15:00 да Ўзбекистон Миллий Паралимпия ассоциациясида “Спорт муассасаларида коронавирус инфекциясини олдини олиш чора-тадбирлари” мавзусида онлайн видеосеминар ташкил этилади. Унда ассоциация раҳбарияти, ходимлари ва шифокорлар иштирок этишади.

Видеосеминардан кўзланган асосий мақсад спортчиларнинг саломатликларини муҳофаза қилиш ва шу билан биргаликда уларда карантин талаблари бўйича кўникмаларни янада ривожлантиришдан иборат.