14 апр 08:34
Янгиликлар

Бокс/ММА

Стивсон UFC билан шартнома имзолаши ҳақида: "Бу ер юзидаги энг буюк дебют бўлади"

Эркин кураш бўйича Олимпия чемпиони Гейбл Стивсон UFC билан шартнома имзолагани ва 11 июль куни Лас-Вегасда бўлиб ўтадиган Халқаро жанглар ҳафталигида ташкилотда дебют қилиши ҳақидаги хабарга изоҳ берди.

"Ўзимни жуда яхши ҳис қиляпман. Бу курраи заминимиздаги энг буюк дебют бўлади ва мен бунга тайёрман. Баданимда капалаклар учиб, этим жимирлаяпти, лекин буларнинг барчаси ўйиннинг бир қисми - мен UFC’даги бу катта қадамга тайёрман ва қилишим керак бўлган ишни амалга ошираман", - деди 25 ёшли америкалик Paramount нашрига берган интервьюсида.

Стивсон, шунингдек, асосий тадбирда Конор Макгрегор октагонга қайтиши ҳақидаги маълумотни билвосита тасдиқлади.

"Ўйлайманки, Халқаро жанглар ҳафталиги жуда қизиқарли бўлади. Эҳтимол, қайтиши муқаррар ва ақлдан оздирадиган хедлайнер бўлади - ва сиз уни биласиз!", - дея қўшимча қилди оғир вазнли спортчи.

Ҳозирча Стивсоннинг UFC 329 турниридаги дебют жангдаги рақиби ким бўлиши номаълум, Макгрегорнинг турнирда иштирок этиши ҳам ҳали расман тасдиқланмаган.