07 ноя 15:50
Янгиликлар

Теннис

Stockholm ATP 250. Бироздан сўнг Истомин - Ковалик учрашуви бошланади

Швеция пойтахти Стокгольм шаҳрида теннис бўйича ATP турнирининг саралаш баҳслари давом этмоқда.

Хабар берганимиздек, "Stockholm ATP 250" мусобақасида ATP рейтингида 249-ўринни эгаллаб турган ҳамюртимиз Денис Истомин ҳам ўз омадини синаб кўрмоқда. Бироздан сўнг мамлакатимизнинг биринчи ракеткаси саралашнинг финал учрашувида словакиялик Йозеф Коваликка қарши кортга чиқади. Дениснинг рақиби саралашда иккинчи рақам остида ҳаракат қилаётган бўлиб, дунё рейтингида 135-ўриндан жой олган.

Саралашда олтинчи рақам остида таснифланган Истомин ярим финалда имтиёзли йўланма асосида турнирга қўйилган, рейтингнинг 511-поғонасидан жой олган швециялик Жонатан Мридхани 110 дақиқа давом этган учрашувда қийинчилик билан мағлуб этганди - 2/6, 6/3, 6/4.