09 ноя 08:04
Янгиликлар

Теннис

Stockholm ATP 250. Истомин дунёнинг 42-ракеткасига қарши кортга чиқди

Швеция пойтахти Стокгольм шаҳрида теннис бўйича ATP турнирининг асосий тўр баҳслари бошланди.

Хабар берганимиздек, "Stockholm ATP 250" мусобақасида ATP рейтингида 248-ўринни эгаллаб турган ҳамюртимиз Денис Истомин ҳам ўз омадини синаб кўрмоқда. Мамлакатимизнинг биринчи ракеткаси саралашнинг икки учрашувида швециялик Жонатан Мридха ҳамда словакиялик Йозеф Коваликни мағлуб этиб, асосий тўрга йўл олганди.

Кеча оқшом Истомин илк давра учрашувида сербиялик Филип Крайиновичга қарши кортга чиқди. Олтмиш олти дақиқа давом этган баҳсда дунёнинг 42-ракеткаси бўлиб турган тажрибали Крайинович 6/4, 6/2 ҳисобида ғалаба қозониб, иккинчи босқичга йўл олди. Бу теннисчиларнинг ўзаро ўтказган иккинчи учрашуви бўлиб, биринчисида ҳам сербияликнинг қўли баланд келганди.