Стол тенниси. Гулистонда Ўзбекистон кубогининг финалчилари аниқланди

Римма ва Диана пойтахтликларни финалга олиб чиқишди ва амалдаги чемпионларни тўхтатишди. Ярим финалнинг биринчи очкосини Тошкент вилоятига Марҳабо Магдиева келтирди. У Ўзбекистоннинг амалдаги чемпиони Диана Полегаева устидан ғалаба қозонди.

Иккинчи учрашувда Римма Молоканова Согдиана Ибодуллаевага имконият қолдирмади ва ҳисобни тенглаштирди. Учинчи ўйинда Моҳирой Камаловага қарши ўйнаган Розалина Хаджиева Тошкент вилояти вакилларига яна бир очко келтириб хисобни 2-1 га етказди. 

Кубок беллашувларига феноменал формада келган Молоканова (Гуфранова) Римма Магдиевага қарши ўзини рухан тайёрлай олгани ва сўнги иккита учрашувда Магдиевага ютқазган ўйинлари учун реванш олгани таҳсинга сазовор бўлди 2-2. 

Ҳал қилувчи очко учун тўқнаш келган Полегаева ва Ибодуллаевалар куннинг энг қизиқарли учрашувини мухлисларга тақдим этишди. Драматизмга бой учрашувда Диана Согдиана устидан ғалаба қозониб, Тошкент шаҳри жамоасини финалга олиб чиқди 3-2!

Икинчи 1/2 финалда Наманган вилояти 3-1 ҳисобида андижонлик рақибларидан устун келиб, бугун ўтказиладиган финалда пойтахтлик стол теннисчиларга баҳс олиб борадиган бўлишди. 

1/2 финал. Аёллар йўналиши: 

Тошкент-1 - Тошкент вилояти 3-2

Наманган - Андижон 3-1

Финал. Тошкент-1 - Наманган

Эркаклар ўртасидаги 1/2 финалларда сенсация кузатилмади. Бугунги финалда Тошкент шаҳри ҳамда Тошкент вилояти вакиллари ўзаро тўқнаш келади. 

1/2 финал. Эркаклар йўналиши: 

Тошкент вилояти vs Самарқанд 3-0

Тошкент-1 vs Қорақалпоғистон Республикаси 3-0

Финал. Тошкент-1 - Тошкент вилояти