Судзукининг ПСЖга трансфери барбод бўлиши сабаби маълум

Бу ҳақда журналист Саша Тавольери ижтимоий тармоқда хабар берди.

Трансфер суммаси деярли келишиб олинган эди — 30 млн евро ва қўшимча 5 млн евро бонус. Футболчининг агентлари битимнинг барча шартларини қабул қилишга тайёр эканликларини билдиришган. Аввалроқ томонлар 3 млн евро миқдоридаги комиссия пулига келишиб олишган эди, аммо "Парма" ва ПСЖ томонидан ёшланган воситачилар янги талабларни илгари суришди, бу эса музокараларнинг издан чиқишига олиб келди.

Аввалроқ Англиянинг "Астон Вилла" клуби дарвозабоннинг ПСЖга ўтиши барбод бўлгач, Судзуки трансфери бўйича сўров юборгани ҳақида хабар берилган эди.

Судзуки 2024 йилнинг ёзида Бельгиянинг "Сент-Трюйден" клубидан 7,5 млн евро эвазига "Парма"га кўчиб ўтган эди. Ўтган мавсумда япониялик посбон 22 та ўйин ўтказиб, 30 та гол ўтказиб юборди ва олти бор ўз дарвозаси дахлсизлигини сақлаб қолди. Transfermarkt порталида келтирилган маълумотларга кўра, футболчининг бозор қиймати 30 млн еврони ташкил этади.