02 июн 10:31
Янгиликлар

Теннис

Султонов Budva ITF - M15 турниридаги иштирокини ғалаба билан бошлади

Черногориянинг Будва шаҳрида теннис бўйича ITF таснифидаги M15 турнири бўлиб ўтмоқда.

Турнирда иккинчи рақам остида таснифланган ҳамюртимиз Ҳумоюн Султоновнинг бош соврин учун юриши бошланди. ATP рейтингида 430-ўринни эгаллаб турган Султонов биринчи даврада мезбонлар вакили Петер Йовановични 6/3, 6/3 ҳисобида таслим этди.

Йованович асосий тўрга имтиёзли йўлланма асосида қўйилганди. Бугун Ҳумоюн 1/8 финалда италиялик Эдоардо Занадага қарши кортга чиқади. Занада рейтингнинг 1645-поғонасидан жой олган.