28 июн 07:18
Янгиликлар

Теннис

Султонов финал чиптаси учун баҳсда биринчи ракеткани "янчди"

Хорватия пойтахти Загреб шаҳри мезбонлик қилаётган теннис бўйича М25 тоифасига кирувчи турнирда финалчилар аниқланди.

Қувонарлиси, мамлакатимизнинг иккинчи ракеткаси Ҳумоюн Султонов мусобақанинг ҳал қилувчи финал баҳсига йўл олди. Ҳамюртимиз 1/2 финалда турнирнинг биринчи ракеткаси, Шимолий Македония вакили Олег Приходкони ортиқча қийинчиликсиз мағлубиятга учратди - 6/3, 6/1.

Таққослаш учун, Султонов айни пайтда ATP рейтингида 632, Приходко 410-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Ҳумоюн энди бош соврин учун яна бир Шимолий Македония теннисчиси Калин Ивановскига қарши кортга чиқади. 22 ёшли Калин ATP рейтингида 1147-поғонада бормоқда. Финал бизнинг вақт билан соат 13:00да бошланади.