01 фев 13:08
Янгиликлар

Теннис

Султонов Кувайт турнирининг жуфтлик баҳслари финалида ўйнади

Кувайтнинг Заҳра шаҳрида ўтказилаётган теннис бўйича М15 тоифасига кирувчи турнир ўз якунига етиб бормоқда.

Мусобақада биринчи рақам остида таснифланган ҳамюртимиз Ҳумоюн Султонов яккаликдан ташқари жуфтлик баҳсларида ҳам муваффақиятли иштирок этди. Ҳамюртимиз франциялик Кузмин Биттун билан иккинчи рақамли жуфтликни ҳосил қилганди. Улар ҳал қилувчи финал учрашувида мусобақада биринчи рақам остида сараланган туркиялик тандем - Мерт Оздемир ва Мерт Наси Туркерга қарши кортга чиқишди.

Муросасиз кечган финалда туркиялик теннисчилар 5/7, 6/4, катта тай-брекда 10/6 ҳисобида ғалаба қозониб, Заҳра турнири жуфтлик баҳслари чемпионига айланишди. Султонов ва Биттун эса вице-чемпион сифатида турнир тарихига киришди.