Суперлига. "Насаф", "Динамо", "Бунёдкор" ва "Нефтчи" меҳмонда ютқазмаяпти

Чемпионатнинг 17-турига келиб турнир жадвалида ҳамон ноль рақамлари борлигини кўришимиз мумкин. Меҳмонда қўлга киритилаётган натижаларга эътибор қаратамиз. Айни пайтга келиб фақатгина "Насаф", "Динамо", "Нефтчи" ва "Бунёдкор" сафар учрашувларида мағлубиятга учрагани йўқ. 

"Бухоро" ва "Хоразм" барча учрашувларини нейтрал майдонда ўтказмоқда. Шундай бўлса-да, расмий жиҳатдан мезбон ва меҳмон мақомига ажартиш тўғри ҳисобланади. Бу йил рақиб майдонида "Сўғдиёна" ва "Шўртан" ғалаба қозона олмаяпти. Иван Бошкович шогирдлари 9 учрашувнинг 6 тасида мағлубият, 3 тасида дуранг қайд этди. Ғузорликлар эса 5 бор енгилган бўлса, 3 та учрашувда бир очкодан қўлга киритди.

"Қўқон-1912" меҳмондаги 8 учрашувнинг 1 тасида ғалабани тантана қилди ("Бунёдкор", 2:1)

Олдинда мавсумнинг қолган баҳслари кутмоқда. Мавсум якунида юқоридаги кўрсаткичлар яна ўзгариши мумкин.