Супероғир вазн дивизиони рекорди янгиланган жангда Ковнацки IBF камарига эга чиқди

Оқшомнинг қизиқарли жангларидан бири супероғир вазн тоифасида ўтказилиб, унда польшалик Адам Ковнацки 38 ёшли Крис Арреолага қарши рингга кўтарилди. Жанг IBF Inter-Continental чемпионлик камари учун кечди.

Ўн икки раундлик жанг якунида ҳакамлар 118:110, 117:111, 117:111 ҳисобида 30 ёшли Ковнацки ғалаба қозонганини эътироф этишди. Адам фаолиятида илк бор тўлиқ 12 раундлик жанг ўтказди ва қитъалараро IBF чемпионлик камарини қўлга киритди.

Эътиборли жиҳати шундаки, ҳар иккала боксчи 12 раунд давом этган жанг мобайнида умумий ҳисобда 667 та зарба йўллашди. Бу супероғир вазн тоифаси учун янги рекорд ҳисобланади.