25 окт 13:03
Янгиликлар

Бокс/ММА

Супероғир вазнда эгасиз қолган WBA Regular камарига даъвогарлар маълум

Профессионал бокснинг супероғир вазн тоифасида вакант, яъни эгасиз бўлиб қолган WBA Regular чемпионлик камари учун рингга кўтариладиган боксчилар номи ошкор бўлди.

Ушбу чемпионлик камари соҳиби америкалик Жаррелл Миллер ҳамда руминиялик Богдан Дину ўртасидаги жангдан сўнг маълум бўлади. Допинг текширувдан ўта олмаган Мануэль Чаррдан WBA Regular камари олиб қўйилган эди.

Аслида Миллерга қарши Фрес Окендо расмий даъвогар сифатида рингга чиқиши керак эди. Лекин 4 йилдан бери жанг ўтказмай келаётган 45 ёшли Окендо бу таклифга рад жавобини берди. Фрес 17 ноябрь куни Атлантик-Сити шаҳрида рейтингда иккинчи ўринни эгаллаб турган Миллерга қарши 500 000 долларлик гонорар учун рингга чиқмасликни афзал билди.

Шу сабабли ҳам Окендонинг ўрнини Дину эгаллади. Руминиялик бу боксчи WBA рейтингида 9-ўринни эгаллаб турибди. WBA Super, IBF ва WBO чемпионлик камарлари британиялик Энтони Жошуага тегишли. Америкалик Тревор Брайан эса август ойида вақтинчалик WBA чемпионлигини қўлга киритган эди.