19 дек 09:16
Янгиликлар

Бокс/ММА

Супероғир вазнли Энтони Жошуани вазн ташлашга мажбур қилишди. Нега?

Эртага ўтказиладиган бокс оқшомининг асосий воқеаси блогер-боксчи Жейк Пол ва супероғир вазн тоифасида собиқ жаҳон чемпиони Энтони Жошуа расмий тарозидан ўтиш маросимида ҳозир бўлди.

Жанг расман супероғир вазн тоифасида ўтказилаётганига қарамай, шартномада унга 245 фунт (111,13 кг) чеклов қўйилганди. Энтони Жошуа 243,4 фунт (110,4 кг) натижа кўрсатиб, ушбу кўрсаткични муваффақиятли уддалади. Бу унинг 2021 йилда Александр Усикка қарши биринчи жангидан бери энг кичик вазнидир (ўша пайтда инглизнинг вазни 108,9 кг бўлган).

Жейк Пол ушбу жангга 98,25 кг (216 фунт) вазн билан чиқади. Бу ўтган йилги Майк Тайсонга қарши жангдан камроқ вазн, ўшанда Пол 103,1 кг тош босганди.

Эслатиб ўтамиз, Жейк Пол ва Энтони Жошуа ўртасидаги жанг эртага тонг саҳарда АҚШнинг Майами шаҳрида бўлиб ўтади.