07 июн 10:09
Янгиликлар

Сув спорти турлари

Сузиш. Осиё ўйинларига тайёргарлик авжида

Август ойида Жакартада бўлиб ўтадиган Осиё ўйинлари ва октябрда Буэнос-Айрес шаҳри мезбонлик қиладиган ўсмирлар Олимпия ўйинларида сузиш бўйича Ўзбекистон терма жамоаси ҳам иштирок этиши режалаштирилган.

Ушбу нуфузли спорт мусобақаларига муносиб тайёргарлик кўриш мақсадида катталар ва ёшлар терма жамоалари ўқув-машғулот йиғинлари ўтказмоқдалар. 21 май куни Навоий шаҳрида бошланган машғулотларда мураббийлар Равшан Каримов ва Дмитрий Цуцкарёвлар терма жамоамиз аъзоларини олдинда турган нуфузли мусобақаларга ҳар томонлама тайёрламоқдалар. Тайёргарликнинг ушбу босқичи 13 июнь куни якунига етди.

Шундан сўнг сузувчиларимиз 15-22 июнь кунлари Рига (Латвия) шаҳрида бўлиб ўтадиган халқаро турнирга жўнаб кетишади. Ушбу халқаро турнир Индонезия ва Аргентинада бўлиб ўтадиган нуфузли мусобақалар учун тайёргарликнинг навбатдаги босқичи вазифасини бажаради.