Свитолина Chicago Women's Open бош соврини соҳибаси + ФОТО

Ҳал қилувчи финал учрашувида сайёрамизнинг олтинчи ракеткаси Элина Свитолина рейтингнинг 68-поғонасидан жой олиб турган франциялик Ализе Корнега қарши кортга чиқди ва рақибасини 2 соату 2 дақиқа давом этган баҳсда 7/5, 6/4 ҳисобларида мағлуб этди.

Ҳар икки теннисчи ҳам учрашув давомида иккитадан эйс зарбасини ижро этишди. Теннисчиларнинг ўзаро учрашувларида 26 ёшли Свитолина 5:3 ҳисобида олдинда бормоқда. Chicago Women's Open турниридаги муваффақиятли иштирок Элинага 280 рейтинг очкоси ҳамда 29,200 доллар мукофот пули келтирди.