25 мар 10:26
Янгиликлар

Теннис

Свитолина Майамидаги иштирокини якунлади

Сайёрамизнинг 20-ракеткаси Элина Свитолина Майами турнирининг иккинчи даврасида мағлубият аламини тотиб кўрди.

Украиналик теннис маликаси WTA рейтингида 115-поғонадан жой олиб турган британиялик Хизер Уотсонга 6/4, 3/6, 6/7(4) ҳисобида имкониятни бой бериб қўйди.

Икки соату 38 дақиқа давом этган баҳсда 27 ёшли Свитолина 2 та, 29 яшар Уотсон эса 7 та эйс зарбани амалга оширган. Хизер Уотсоннинг учинчи даврадаги рақибаси швейцариялик Белинда Бенчич бўлади. Белинда иккинчи босқичда украиналик Марта Костюкдан 6/3, 6/1 ҳисобида устун келди.