12 авг 19:58
Янгиликлар

Теннис

Свитолина ракеткасини ғилофига солишга мажбур бўлди

Канаданинг Монреаль шаҳрида ўтказилаётган WTA турнири кутилмаган натижаларга бой бўлмоқда.

Симона Халепдан сўнг сайёрамизнинг бешинчи рақамли теннис маликаси Элина Свитолина ҳам мағлубиятга учраб, мухлислар қаторидан жой олди. Украиналик теннисчи ўзининг илк учрашувида рейтингнинг 41-поғонасини эгаллаб турган британиялик Йоханна Контега 6/3, 3/6, 2/6 ҳисобларида ютқазиб қўйди.

Икки соату 11 дақиқа давом этган баҳсда 26 ёшли Свитолина битта, 30 яшар Конта эса учта эйс зарбасини ижро этди. Украиналик ўзаро учрашувларда илк бор британиялик рақибасига имкониятни бой берди. Бунгача бешта баҳсда Элинанинг қўли баланд келган эди. Конта National Bank Open турнирининг учинчи даврасида америкалик Кори Гоффга қарши кортга чиқади.