12 мар 08:26
Янгиликлар

Таэквондо

Таэквондо. Эйндховендаги турнирда 8та медал қўлга киритилди

Эйндховен шаҳрида таэквондонинг олимпия спорт турлари оиласига мансуб йўналиши бўйича Голландия Очиқ чемпионати бўлиб ўтди.

Мусобақа ёшлар ва катталар ўртасидаги ташкил этилди. Голландия Очиқ чемпионатида Ўзбекистон терма жамоасининг 18 нафар аъзоси ҳам юртимиз спорт шарафини ҳимоя қилди. Улардан 8 нафари ғолиб ва совриндорлар сафидан жой олди.

Ёш таэквондочиларимиздан Мадина Маннопова, Жасур Жайсунов ва Улуғбек Рашидов олтин медални қўлга киритди. Озода Собиржонова, Бекзод Ибрагимов ва Шаҳзод Жўраев кумуш медалга сазовор бўлди.

Катталар ўртасида жаҳон чемпиони Дмитрий Шокин бу сафар финалга қадар мағлубиятсиз етиб бориб, кумуш медал билан тақдирланди. Баҳром Абдуллаев эса бронза медалига лойиқ кўрилди. Терма жамоамиз делегацияси эртага тонгда юртимизга қайтиб келади.