13 авг 08:50
Янгиликлар

Таэквондо

Таэквондо ITF бўйича навбатдаги онлайн мусобақа ташкил этилмоқда

Спортнинг таэквондо ИТФ турининг тул йўналиши бўйича ўсмирлар, ёшлар ва катталар ўртасида онлайн Ўзбекистон чемпионати ўтказилади.

Ўзбекистон Республикаси Жисмоний тарбия ва спорт вазирлиги ва Ўзбекистон таэквондо ИТФ миллий ассоциацияси ташаббуси билан ўтказиладиган мазкур мусобақа 15-20 август кунлари бўлиб ўтади.

Мазкур мусобақа таэквондо ИТФ бўйича профессионал равишда шуғулланаётган спортчиларимизнинг жисмоний тайёргарликларини ошириш ва иқтидорли спортчиларни терма жамоа учун саралаш вазифасини ўтаб беради.

Мусобақа якунида ғолиб ва совриндор бўлган спортчилар ташкилотчилар томонидан махсус диплом ва эсдалик совғалари билан тақдирланади.