04 дек 10:48
Янгиликлар

Таэквондо

Таэквондо ИТФ: Тошкентда болалар, ўсмирлар ва ёшлар ўртасида Ўзбекистон кубоги ўтказилади

5-6 декабрь кунлари таэквондо ИТФнинг массоги (спарринг) йўналиши бўйича болалар, ўсмирлар ва ёшлар ўртасида «Конституция - бахтимиз қомуси» шиори остида Ўзбекистон кубоги ташкил этилади.

Мусобақа Тошкент давлат Молия институтининг спорт мажмуасида рангли белбоғ соҳиблари иштирокида бўлиб ўтади.

Жисмоний тарбия ва спорт вазирлигининг спорт ва оммавий жисмоний тарбия тадбирларининг 2020 йил учун республика календарь режасига мувофиқ ўтказилаётган ушбу мусобақада 500 нафардан ортиқ иштирокчи ғолиблик учун кураш олиб бориши кутилмоқда.

Ўзбекистон кубоги мусобақаси таэквондо ИТФ билан мунтазам равишда шуғулланаётган спортчиларнинг жисмоний тайёргарликларини ошириш ва мамлакат терма жамоаларига иқтидорли ёшларни саралаш (селекция) вазифасини ўтаб беради.

Мусобақа ғолиб ва совриндорлари Жисмоний тарбия ва спорт вазирлиги томонидан медаль, диплом ҳамда эсдалик совғалари билан тақдирланади.