Таэквондо. Жаҳон чемпионатининг иккинчи кунида олинган суратларни томоша қилинг ФОТОГАЛЕРЕЯ (76 та сурат)

Бугун кун давомида 5 нафар спортчимиз жангларда иштирок этди. 

Кун давомида -37 кг вазнли таэквондочимиз Аброр Ўлмасов 1 та ғалаба ва 1 та мағлубият қайд этди. 

-41 кг вазн тоифасида юртимиз шарафини ҳимоя қилган Лайло Зайниддинова иккита рақибини мағлубиятга учратди ва чорак финалга етиб борди. Ярим финал остонасида кечган жангда эса афсуски эронлик кучли рақибасига ютқазди. 

-47 кг вазнли қизимиз Ситора Муҳаммад Ғулом Расул  ҳам чемпионатда 1 та ғалаба ва 1 та мағлубият қайд этди. 

-53 кг вазнли таэквондочимиз Самандар Ҳамдамов эса дастлабки жангидаёқ мағлубият аламини тотиб кўрди. 

-33 кг вазн тоифасида баҳсларда қатнашган Муҳаммадамин Алиев эса 3 та ғалабага эришди. Финал остонасида кечган баҳсда эса афсуски украиналик рақибига ютқазиб қўйди ва бронза медали билан кифояланди.

Эътиборингизга мусобақанинг иккинчи кунида олинган суратларни тақдим этамиз. 

Суратлар муаллифи: Жаҳонгир Файзуллаев