Таэквондо. Мураббий ва ҳакамлар учун семинар бўлиб ўтмоқда

Бутунжаҳон таэквондо федерацияси спорт турининг жозибадорлигини ошириш, томошабоплигини таъминлаш мақсадида қонун-қоидаларга ўзгартиришлар киритган. Мамлакатимизда фаолият юритаётган мураббий ва ҳакамларни ҳам ушбу ўзгаришлардан воқиф этиш мақсад қилинган.

Шу кунларда Ўзбекистон таэквондо (WT) ассоциацияси машғулотлар залида Қорақалпоғистон Республикаси, вилоятлар ва Тошкент шаҳрида фаолият юритаётган мураббий ва ҳакамлар иштирокида уч кунлик семинар ташкил этилган. Унда малакали мутахассислар сабоқ беради. Бу ўз навбатида, юртимизда таэквондонинг янада оммабоплигини оширишга хизмат қилади.