27 май 17:32
Янгиликлар
Таэквондо
Таэквондо. Нигора Турсунқулова Осиё чемпиони, Жасур Бойқўзиевда кумуш
Вьетнамнинг Хошимин шаҳрида таэквондо WTF бўйича Осиё чемпионати давом этмоқда.
Кеча баҳсларда иштирок этган Никита Рафалович олтин, Ниёз Пўлатов ва Мадина Манноповалар бронза медалларини терма жамоамиз ҳисобига қўшиб қўйишганди.
Бугун тўрт нафар спортчимиз совриндорлар қаторидан ўрин олди. Аёллар ўртасида -67кг вазн тоифасида мусобақада иштирок этган Нигора Турсунқулова барча рақибларини мағлубиятга учратиб, олтин медаль соҳибасига айланди.
Эркаклар ўртасида эса Жасур Бойқўзиев (-87кг) кумуш, Сардор Тоиров (-63кг) ва Максим Рафалович (-80кг)лар бронза медалига сазовор бўлишди.
Осиё чемпионати эртага якунига етади. Мусобақанинг сўнгги кунида ҳамюртларимиздан Дмитрий Шокин ва Светлана Осипова баҳсларда иштирок этадилар.
Ҳавола :
Манба : olamsport.com
Фикрлар