Таэквондо. Ўзбекистонлик спортчилар жаҳон чемпионатидаги иштирокни бошлашди + ФОТОГАЛЕРЕЯ

Мусобақада ҳамюртларимиздан биринчи бўлиб қизлар ўртасида -29 кг вазн тоифасида Шабона Абдувалиева туркиялик Хайрунниса Гурбузга қарши даянга чиқди. Қизғин кечган баҳсда афсуски ҳамюртимиз 32:36 ҳисобида имкониятни бой бериб қўйди ва турнирдаги иштирокини якунлади. 

Ўғил болалар ўртасида эса -65 кг вазнли Абдулазиз Аҳрамов эса сербиялик Дмитрие Аждоковичга қарши жанг қилди ва 12-25 ҳисобида имкониятни бой берди.

Айнур Умрзакова (-33 кг) таиландлик Наткамон Вассанага 4:11 ҳисобида ютқазди.

+65 кг вазнли Маҳсуд Маратов эса мексикалик Хуан Карлос Мартинесга 15:25 ҳисобида мағлуб бўлди.

-51 кг вазнли Мубина Маъмуржонова эса Беларусь вакиласи София Любичга қарши жанг олиб борди ва 19:18 ҳисобида ғалаба қозониб, чорак финалга йўл олди. Энди у ярим финалга чиқиш учун андорралик рақибасига қарши жанг қилади.

Мубина иштирокидаги жанг соат 14:00 дан сўнг бошланади. Соат 17:00да эса чемпионатнинг тантанали очилиш маросими бўлиб ўтади. 

Баҳслардан олинган суратларни томоша қилинг. Суратлар муаллифи - Жаҳонгир Файзуллаев.