Таэквондо. Шохруҳхон гувоҳи бўлган мусобақада биринчи бўлдик+ФОТО

Ўсмиирлар, ёшлар ва катталар ўртасида ташкил этилган мусобақада 15дан зиёд давлатдан спортчилар ўз маҳоратларини намойиш этишди. Улар қаторида ўзбекистонлик ёш таэквондочилар ҳам даянга чиқишди.

Ҳамюртларимиздан Довудбек Абдуғофуров (19 кг) 5-7 ёшлилар баҳсида олтин медални қўлга киритди. Миракбар Миробидов (22 кг) 7-9 ёшлилар мусобақасида кумуш медалга сазовор бўлди.

Иброҳим Ниғмонов 7-9 ёшлилар орасида чемпионлик шохсупасига кўтарилди. Иброҳим Усмонов ва Саидмурод Тоҳирхўжаев ҳам ўз ёш тоифаларида барча рақибларини мағлубиятга учратиб, чемпионга айланишди.

Тил баҳсларида иштирок этган Ойбек Абдуқодиров 11-12 ёшлилар ўртасида олтин медалга сазовор бўлди. Осиё Очиқ чемпионати якунида Ўзбекистон ёшлар терма жамоаси умумжамоа ҳисобида биринчи ўринни эгаллади.

Эътиборлиси, ушбу мусобақадаги спортчиларимизнинг иштирокини эсрада юлдузи Шохруҳхон ҳам бевосита аренанинг ўзидан кузатиб борди. У концерти олдидан Малайзияга хордиқ чиқариш учун борган эди. Кеча кечқурун терма жамоамиз делегацияси Малайзиядан қайтиб келди.