12 дек 12:30
Янгиликлар

Таэквондо

Таэквондо WT терма жамоасида яна бош мураббий ўзгарди

Таэквондонинг олимпия оиласига мансуб WT йўналишида Ўзбекистон терма жамоасига янги бош мураббий тайинланди.

Шу кунгача Ўзбекистон пара таэквондо терма жамоасига устозлик қилиб келган Бобур Қўзиев энди асосий терма жамоага бош мураббий бўлади. Қўзиевнинг пара таэквондо терма жамоасида ҳам параллел равишда фаолиятини давом эттириши маълум эмас.

Ёшлар терма жамоасида эса ҳозирча Собир Назаралиев бош мураббий бўлиб турибди. Катталар терма жамоасида бош мураббий лавозимида ишлаган Акмал Эргашев эса айни пайтда Хитойдаги "Катта Дубулға" турнирида. Унинг қайтиб келганидан кейин қайси лавозимда ишлаши ҳам номаълум.